Балезино ёросысь Ушур гуртысь «Мылысь-кыдысь» фольклорной ансамбль.
21-тӥ гудырикошконэ 2018-тӥ арын Калык творчествоя Элькун коркалэн öнерчиосыныз “Финн-угор транзит” калыккуспо проект улсын гожтэмын.
Кычпу юэз тӥ уд юэ,
Чогыса ке ой сёты.
Верам кылме тӥ уд тодэ,
Кырзаса ке ой вера.
Пичи дыръя бызыли,
Урод кутэз вал карса.
Нош табере ветлӥсько ни
Бодыез вал карыса.
Нош табере ветлӥсько ни
Бодыез вал карыса.
Бодыез вал карыса,
Ураме мон потӥсько.
Бодыез вал карыса,
Ураме мон потӥсько.
Ураме ке потӥсько,
Клуб пала мон шонтскисько.
Ураме ке потисько,
Клуб пала мон шонтскисько.
Клуб доры ке вуысько,
Клубе залэ пырысько.
Клуб доры ке вуысько,
Клубе залэ пырысько.
Клубе залэ пырыса,
Сцена вылэ тубисько.
Клубе залэ пырыса,
Сцена вылэ тубисько.
Сцена вылэ тубыса,
Эшъёсыным кырзасько.
Сцена вылэ тубыса,
Эшъёсыным кырзасько.
Сьод чабейлэн сяськаез
Тодьы ке но, сьодыктэ.
Адямилэн бамъёсыз
Чыжыт ке но, заректэ.
Адямилэн бамъёсыз
Чыжыт ке но, заректэ.
Адямилэн синъёсыз
Чагыр ке но, кодэктэ.
Валлэн кадь ик силаез вал,
Каллен гинэ лябомем.
Валлэн кадь ик силаез вал,
Каллен гинэ лябомем.
Гур вылысен полатъёс
Чугун сюрес медло вал.
Ми та пересь калыкъёсты
Нунал празник медло вал.
Ми та пересь калыкъёсты
Нунал празник медло вал.
Туала оген быдэстӥськись такмакъёс.
Такмакъёсын вашкала поэтической ньыль чуръем кылбуръёс (Сьод чабейлэн сяськаез/Тодьы ке но сьодыктэ) такмакъёсты быдэстӥсьлэн асэныз малпам чуръёсыныз сураськыса кошко (кырӟасьлэн дорысьтыз клубе лыктон сюресэз).
Такмакъёс серемез потто: мӧйы кырӟась кышномурт ассэ серекъяса кадь вера, кыӵе чаляк пичи дыръяз бызьылэ вал, но кызьы али бодыен репетицие клубе вамышъя.