Удмурт Элькунысь арберилыко но арбери луисьтэм лулчеберет ваньбурез утён – Калык творчествоя элькун коркалэн огез валтӥсез ужпумез, кудӥз вашкала дыръёсы Удмуртиын кылдытэм дунлыкез утьыны но туала калыклы вуттыны юрттэ.

«Мера́с» – аслэсьтыд мерастэ, историдэ туала синмын адӟыны но эскерыны луонлык.

Калык кырӟан вашкалаез борды йӧтскыны, воштӥськыны, анай-атайёсмылэн дышем сямзыя мылкыддэ усьтыны луонлык сётэ, озьы котьку но луоз!

Кылос – пыраклы кылем устолык…

Вашкала сям-йылолъёс – калык лулчеберетлэн огез валтӥсез люкетэз, кудъёсыз одӥг выжыысь мукетаз выжо. Соослэн туж бадӟым визьнодась но чеберлыкез валаны дышетӥсь, мылкыдэз усьтытӥсь кужымзы вань. Сям-йылолъёс пыр калык ассэ, лулпуш лулчеберетсэ, сямъёссэ но психологизэ возьматэ.
…Туала будӥсь пиналъёсты, егитъёсты вордэм лулчеберетсэ яратыны дышетоно, вашкала йылолъёс, сямъёс вылэ пыкиськыса, соосты будэтоно. Йылолъёс – асьме историмылэн, асьме лулчеберетмылэн валтӥсь инъетэз.

Ымысь-ыме пельысь-пеле вераса улӥсь мадьёс калыклэсь историзэ, малпаськон радзэ, дуннеез валамзэ эскерыны туж ӟеч материал луо. Отысь валаны быгатӥськом, мае калык тужгес но дунъя, мае курла, ма со ӟечлык но уродлык, маин герӟаськемын улонлэн тужгес но чеберез но юрӟымез но мукет валатонъёсты.

Ширъян, апай сямен, ялыке, тыпыртон, ваче, дэмен, ньылен, тямысэн эктон, кадрел, лонцы, … – удмурт лулчеберетмы эктон образъёсын (я бы здесь лучше “амалъёсын” поставила) узыр. Соя удмуртъёсты, удмуртъёслэсь улонзэс, сямзэс котыр ласянь тодыны луэ: тодметъёссэ эскерыны но ватэм пуштроссэ валаны.

Сям-йылолэз тодымтэед кылкутэмлэсь уг утьы.

Удмуртилэн декоративно-прикладной устолыкез но чеберлыко ӧнерез — со арберилыко но арбери луисьтэм лулчеберетлэн ваньбуретэз: йӧскалык дӥськутэз, куиськонэз, пужыятсконэз, пуэз чильпамез но мукет технологиосты эскериськыса но радлыко ужаса улӟытон. Со бордын али ужало но сӥё-дано калыке вӧлмыто Удмуртиысь кибашлыос.