д. М. Венья (Вуколуд) Завьяловского района УР.
Информант: Морозова Елизавета Гавриловна, 1925 г.р., ур. д. Пали Увинского района УР, с 1987 г. живет в д. М. Венья (Вуколуд) Завьяловского района, образ. 4 кл.
Запись: Морозова Марина, 2001 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд контрольных работ 2001, Морозова М., н.р. Шушакова Г.Н.]
Одӥг семьяын кензы туж азьтэм вылэм. Гужем быдэс семьяенызы соос мынӥллям араны. Ӝытазе ваньзы бертӥллям ни, нош со кылем вож пиналзэ нонтыны. Чибиньёс медаз сие шуыса, со шобыртскем. Собере кин ке но весь донга но донга, пе. Со, мын ай татысь шуыса, донгем. Шальтырак йӧтскылэмез бере вазем. Со шобретсэ вылысьтыз куштэм но – азяз зарни уксё оломамында ик. Кӧня быгатэм, сомында ик нуэм, нош кылемзэ шобретэ бинялтыса кельтэм. Со кельтэм уксёезлы лыктэм на но, шобретын номыр ӧй вал ни. Со луэм со семьялэн узырмонэз но кензэс яратонзы.
Валэктон:
Выжыкыл сюжетэз пыртыны луоно социально-бытовой яке новеллистической выжыкылъёс пӧлы. Азьтэм кышно, яке азьтэм кен сярысь сюжетъёс вӧлмемын, шуыны луоз, удмуртъёслэн но, мукет калыкъёслэн кадь ик. Азьтэм кышноез кызьы ке но «дышето», я сереме уськытыса, я вӧсь карыса, куке нылкышно ортчоно луэ кыӵе ке но шуг-секытэз.
Нош та удмурт выжыкылын вань паймымон мотивез (чудесный мотив) – азьтэм кенлы удалтэ, солэн азяз шуак трос зарни коньдон кылдэ. Выжыкылын номыр ӧвӧл верамын, кытысь но мар со. Но мадёнын пусъемын тужгес но кулэ луись малпан, ӵапак та учыр узыр каре семьяез но яратытэ кензэс шуыса. Озьыен, выжыкыл юнматэ калыклэсь малпанзэ, ванё-буро улон адямилы тужгес вылӥ дунлык кылдытэ шуыса.