д. Бегенвыль (Бегеней) Шарканского района УР
Информант: Кожевникова Любовь Васильевна,1922 г.р.
Запись: Степанов Эдуард, Шишкина Наталья, 1992. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 1992, дело № 24, тетр. № 2, л. 10]
Вумуртэн адями ӵош мыно вылэм. Чабей нуиллям. Вумурт, кудӥз, пе, тыныд шуса, юам. Адями шуэм, мыным йылыз, пӧй, яралоз. Люкемзы бере та пумысь даллашиллям. Собере сяртчы кизилям. Вумурт табере шуэм, мыным, пӧй, йылыз луоз, нош адями – выжыез. Тае люкемзы бере, нош ик даллашиллям. Собере вукое васькиллям. Шур дурын пырбаз (лодка) вылэм. Вумурт, та, пе, мар шуса юам. «Кышноослэн пызь пужнон сюлыссы», – шуэм адями. Вумуртлэсь адями одӥг куксэ вуко кӧэ думем, собере шорияк пилиськем. Озьы соос люкиськиллям. Табере ноку адскылӥськиллямтэ ни.
Валэктон:
Выжыкыл сюжет луэ пудо-животъёс сярысь. Та типъем сюжет трос вӧлмемын мукет калыкъёслэн фольклоразы но. Ӟуч калыклэн выжыкылъёсаз та сюжетын пумисько адями но гондыр персонажъёс. Нош тани удмурт выжыкылысь, гондыр интые, адӟиськом Вумуртэз. Та юнме шорысь ӧвӧл, шуыны луоз. Зэмен, удмурт выжыкылъёсын тросаз сюжетъёсын валтӥсь геройлы пумит сылэ кыӵе ке герой – мифологической персонаж – Нюлэсмурт, Палэсмурт, Обыда но мукет.