д. Выль Пашур Шарканского района УР. Волкова Августа Павловна, 1946 г.р., ур. д. Мувыр Шарканского района, в наст. время живет в д. Выль Пашур, образ. ср. спец.
Запись: Варламова Н., 2005 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд индивидуальных записей 2005, л. 3–4, Варламова Н.]
Одӥг гуртын ведӥн улэм. Тулыспал пинал семья нуны сюан лэсьтэм. Татчы соос ведӥн кышномуртэ но ӧтизы, вожез медаз поты шуыса. Тани самой шулдыръяськон вакытэ ведӥн одӥг кышномуртлы пыжиськем сётэм. Кышномурт сое сиыны малпа вылэм ни, кин ке дугдытэм. Бертыкуз со пыжиськемзэ льӧмпулэн ваяз поныса кельтэм. Кӧня ке дыр ортчыса, татӥ кошкыкуз, льӧмпу шоры синмыз усем. Учкем но, писпулэн ӵапак со ваез куасьмем. Шуак луэм кышномурт. Ас понназ малпам: «Бен, мон пыжиськемез сиысал ке, тазьы ик куасьмысал ук».
Малы ведӥн озьы карем? Та кышномурт врач вылэм. Одӥг пол со ведӥнлэн пиезлы юрттыны ӧвӧл быгатэм вылэм.
Валэктон:
Калыкын ведӥнъёс сярысь мадёнъес трос вӧлмемын. Ӵем дыръя адями висьыны кутске ке, ведналлям, яке сӧриллям, шуо. Тани таяз мадьын но нылкышнолы ведӥн мурт сётэ пыжиськем, но сое уг лэзё сиыны, со поныса кельтэ льӧмпу вай вылэ.
Ишан-мадьын верась мурт мадёнэзлы оскытон понна, веранзэ юнматэ таӵе кылъёсын: «Ӵапак льӧмпулэн со ваез куасьмем». Со оске, со но озьы ик куасьмысал шуыса, пыжиськемез сиысал ке. Таӵе веранъёс ишан-мадь жанрлэн чеберлыко амалъёсыз луо. Эшшо пумаз валэктон сётэмын, малы со ведӥн сӧрыны турттэ вылэм, уго со йыркуръяське вылэм, со кышномурт-врач ведӥнлэсь пизэ утьыны ӧз быгаты шуыса.