д. Порозово Шарканского района УР. Корепанова Евгения, 1943 г.р., ур. д. Бередь Шарканского района, в наст. время живет в д. Порозово, образ. ср. спец.
Запись: Касаткина Е., Семёнова Е., 1991 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 1991, дело 23, тетр. 6, л. 23, н. рук. Шушакова Г. Н.]
Кемалась ик ӧвӧл кулӥз мынам мужике, отравиться кариськиз. Мыным шуизы, туж лек бӧрдыны ик эн, пе, турскы. Нош огнадгес дыръяд гроб дуре султыса вера: «Эн ик ветлы мон доры». Мон озьы ик кари но, туж уг кӧшкематы со монэ.
Одӥг пол тае гинэ вӧтай: турнан дыр, ачим туж лек бӧрдӥсько, тӥни мужике но луысал ке, юрттысал ини. Но тӥни азьпалам адӟи сое, ачиз туж чебер, турын берыкъя. «Учкы ук, Витяе лыктэм», – шуисько. Дораз гинэ вуи но, со ӵапак ышиз. Озьыгес ик мон адӟи сое, пу дасякумы но сенике турын ӝутъякумы шуыса. Нош котьку ик адӟи мон сое чеберен.
Валэктон:
Мадёнын бадӟым инты басьто верась муртлэн кутсконаз ик кулэм муртэн герӟаськем оскытэтъёс сярысь верамез, кудъёсызлы со ачиз зэмен но оске. Картэз кулэм бере, солы вераллям, зол, пе, эн куректы, гроб дораз, пе, вераны кулэ, мон доры эн ветлы, шуыса. Со озьы ик карем.
Соин ик, дыр, пе, картсэ куддыръя гинэ уйвӧтаз адӟе чеберен, умоен. Картэз сое уг кышкаты. Калыкын оскон вань, куке адями туж мӧзме, куректэ матысь кулэм адямиезлэсь, со кышкатъяны быгатоз, дораз но ветлыны кутскоз шуыса.