с. Сосновка Шарканского района УР. Щеголева Матрена Григорьевна, 193? г. р. проживает в с. Сосновка Шарканского р-на с 1960-го г., образ. 6 кл.,
Запись: Широбоков Александр, Шакрисламова Людмила, 1983 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 1983, дело № 12, тетрадь № 5, лист 24].
- Шумпотыса лыктэ, бӧрдыса кошке (Лымы)
1. С радостью приходит, уходит – плачет (Снег)
2. Пичизэ бадӟымез уе (Уробо но колёса)
2. Меньший догоняет большего (Телега и колесо)
3. Выль ведра чисто пась (Пуж)
3. Новое ведро полностью дырявое (Сито)
4. Иванэн Дарья ваче-пумит учко (Выж но вӧлдэт)
4. Иван да Марья смотрят друг на друга (пол и потолок)
5. Ыкы-пукы – кык,
Пурга-вырва – ньыль,
Лемо-куаро – куать (Ыж ноны, скал ноны но парсь ноны).
5. Ыкы-пукы – два,
Пурга-вырва – четыре,
Лемо-куаро – шесть (Соски овцы, соски коровы, соски свиньи)
6. Азбар шорын вужертэм куды (Гу)
6. Посередине двора короб без тени (Яма погребная)
7. Кык пуӵ вылэ лымы уд поны (Скал сюр)
7. На две жерди снега не положишь (Рога коровы)
8. Ньыль братъёс одӥг гуэ ыбыло (Скал кыскем)
8. Четыре брата в одну яму стреляют (Доение коровы)
9. Ньылез эктэ, сюрсэз чабке (Вал пыд но быж)
9. Четверо пляшут, тысяча хлопают (Ноги и хвост коня)
10. Мур гуын кустэм кион погылляське (Гур но ӵужон).
10. В глубокой яме кувыркается волк без поясницы (Метла/веник в печи)
Валэктон:
Вань мадиськонъёслэн пуштроссы герӟаськемын гурт улонэн. Мадиськонъёсын нимам вань предметъёс-образъёс гуртын улӥсьёслы тодмо но валамон. Соос пӧлын трос юртъер котырысь арбериос: ведра, пуж, ӵужон но мукет. Пумисько инкуазьысь явлениос – лымы (1-тӥ текст). Тужгес но трос пумисько дор пудо-животъёс – скал, вал, ыж, парсь, одӥг пӧйшур – кион.
Мадиськонъёсын кутӥське ватыса веран чеберлыко амал (иносказание). Одӥг предметлэн яке явленилэн тусыз яке действиез возьматэмын мукет предметлэн яке явленилэн тусыз яке действиез пыр. Паськыт кутэмын метафора амалэн кылсуред кылдытон. Кылсярысь, лымы шумпотэ сӥзьыл, куке усе музъем вылэ, но бӧрдэ тулыс, куке со шуна (1-тӥ текст).
Выросъёс суредамын туссыя укшатыса: ворттӥсь валлэн пыдъёсыз экто, нош трос быж сиосыз чабко (9-тӥ текст).
5-тӥ текстын междометиос пыр туж аспӧртэмлыко возьматэмын куинь пудоослэн – ыжлэн, скаллэн, парсьлэн ноныоссылэн образзы.