д. Пипиё Шарканского района УР. Варламова Г. Д., 1947 г.р., с 1968 г. проживает в д. Новый Пашур, образ. 8 кл.
Запись: Варламова Е., 1999 г. Инд. Ф–1999, Шарканский р-н. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд индивидуальных записей – 1999, Варламова Е., Шарканский р-н]
Шудыны луэ трос кузя. Лыдъяськыса, кин вылэ усе, со луэ Баба-Яга. Тазьы вераськыны кутско:
– Ӟечбур, Баба-Яга!
– Ӟечбуресь! Кыччы ветлӥды?
– Городэ!
– Мае адӟиды?
– Фокусъёс!
Озьы шуэммы бере, котькудӥз возьматэ вал, мае адӟиз. Кин керттӥське, кин черсӥське, кин куиське, кин пужъятке. Нош Баба-Яга кудзэ ке но огзэ тодны кулэ. Учкем бераз, вера ини. Тодэ ке, со адями пегӟе, Баба-Яга уе, кутэ но интыяз пуктэ. Уг ке куты, либо уг ке тоды, ачиз ик Баба-Яга кыле.
Валэктон:
Шудонлэн пуштросэз быдэсак герӟаськемын гурт улонэн, удмуртъёслэн улон-вылон сямъёсынызы, традициосынызы. Баба-Яга – персонаж, кудӥз бӧлякъёс пӧлы уг пыры, со мукет дуннеысь лул. Соин ик, гурт калыклы пӧртэм ужез быдэстонын выросъёс туж матын но валамон ке, нош Баба-Ягалы соос – фокусъёс.
Туж вакчи вераськемзы бере, шудӥсь муртъёс Баба-Ягалы выросъёсын пӧртэм ужез быдэстэмзэс возьмато: кин керттӥське, кин черсэ, кин куиське, кин пужыятӥське, кин пу пильылэ, яке кора, кин скал кыске, турын турна но мукет.
Кызьы адӟиськом, шудӥсь муртъёс туж ӟеч тодыны но валаны кулэ гуртын улӥсьлэсь пӧртэм ужез быдэстыку выросъёссэс. Со сяна, шудон кулэ каре шудӥсьёслэсь ёзвиоссылэсь юн луэмзэс, соос ӝог бызьылыны кулэ, медам кутэ шуыса.