Д. Азаматово Алнашского района УР, Бикузина Мария Евсеевна, 1927 г. р.
Запись: Шаяхметова И., 2003 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд контрольных работ 2018, н. р. Шушакова Г.Н.]
Та гурезьын из потто вылэм. Отын одӥг гинэ пужым вал, но со али но отын сылэ на. Сое шуо «Дас кык ваё пужым». Со интӥ пӧртмаське, шуо. Адямиос отысь кыӵе ке куараосты кылыло.
Одӥг пол кыӵе ке пиосмурт бертэ вылэм дораз. Со куара кылэм. Со куара сьӧры мынэм но, мукет палась куара кылӥськыны кутскиз. Пересьёс верало, татын поромытӥсь интыез вань шуыса. Вот со пиосмурт отын ышем. Берло, пе, сое шедьтӥллям но, со кулэмын вал ини. Трос адямиос отын али но пӧртэм куараосты кылыло, но та учырез тодыса отчы уг но ветло.
Валэктон:
Мадёнлэн пуштросэз кылдэ калыкын вӧлмем таӵе малпан вылын: вань сыӵе пӧртмаськись интыос, кытын адямилы кышкытлык кылдэ. Таяз мадёнын сыӵе инты луэ гурезь но аспӧртэмлыко дас кык ваё пужым. Татын пӧртмаське, пе. Воргорон отысь куараос кылыса, мынэ со интые но быре отын.
Таӵе мадёнъёс трос вӧлмемын калыкын. Калык верамъя, адями сыӵе шуг-секытэ сюрыкуз, утьыны быгатэ ассэ кыӵе ке магической ужрад ортчытыса, яке Инмарлы вазиськыса, кирос поныса, молитва лыдӟыса. Таяз мадёнын воргорон уг тоды, кызьы возьыны ассэ шуг-секытэ шедьыкуз, соин ик быре.