д. Порозово Шарканского района УР, Никитина Валентина Александровна, 1927 г.р., ур. д. Чужегово Шарканского района, образ. 4 кл., в наст. время живет в д. Порозово.
Запись: Волкова В., Воронцова В., 1991 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 1991, дело 23, тетр. 3, л. 14, н. рук. Шушакова Г. Н.]
Азьло дыръя шудӥськом вал мунчоосын. Одӥг пол озьы васькисько но мунчое, тыл адске, ӵаш потто. Пыри но, нокинэз но ӧвӧл. Ветлӥ утчаськыса, нокинэ но ӧй адзы. Потӥ педло, но мукет мунчоын озьы ик кылӥське. Пыри но, нош ик нокинэз ӧвӧл. Потэме бере, пичи укноетӥз гоно киез адӟи. Собере пие кулӥз.
Одӥг пол люкмес дортӥ кошкисько вал. Люкмес дурын кузь йырсиё пересь сынаськыса пуке. Берам учки но, со адями сьӧрам лыктэ. Мон берытскисько ке, со но берытске, мон дугдӥсько ке, со но дугдэ. Собере братэ кулӥз.
Валэктон:
Верась мурт маде кык сюжет, кудъёсыз кылдэмын аслаз улоназ луэм учыръёс вылын. Калыкын улэ оскытэт, адями адскисьтэм дуннеысь маке валантэмзэ пумита, я адӟе ке, со ӟечлы уг луы шуыса. Тани та учыре но, мадись калыкын вӧлмем оскытэтэз аслаз мадёнэныз юнматэ. Нырысь учыре адӟе маке но валантэмзэ, оскымонтэмзэ мунчокузёен герӟаськемзэ, кудӥз бере кулыса кошке пиез.
Нош кыкетӥ учыре адӟе вумуртэз, со бӧрсьы ик братэз кулэ.