с. Люк Балезинского района УР, Наговицыны Фаина Николаевна, 1953 г.р., ур. д. Сазоново Балезинского р-на УР, обр. 10 кл.
Запись: Миронова Алёна, 2006 г.[Фольклорный архив Удмуртской филологии (Институт удмуртской филологии, финно-угроведения и журналистики) Удмуртского государственного университета, фонд дипломных работ 2006, Миронова А., н.р. Шушакова Г. Н.]
Шудоно вить–куать кузя. Чертить кароно круг диаметрен кык-куинь метр. Котькуд шудӥсь круг пушкы аслыз гоп копа. Лыдъяськыса шедьто шудыны кутскись муртэз. Лыдъяськон котькудӥз яралоз. Луыны кулэ шар. Лыдъяськемзы бере, одӥгез шудӥсь питыръяны кутске. Дас пол питыртӥз ке шудӥсь мурт шарез гопъёсы, со вормисен шудонысь потэ. Ньыль-вить мурт пӧлысь кин ке но бере кыле. Созэ наказать каро. Аслаз гопаз шарзэс поно, со вылэ йырзэ понэ, ачиз ньыльпыдъяське. Эшъёсыз сое тыбыраз чабкыса верало:
«Аргали-бергали,
Туктым-тактым,
Кылид бере – тук-тук,
Шар вылад ик пук-пук.
Али тонэ берыктом,
Ачимес дыбыр пегӟом.
Кут милемды табере,
Нош ик эн кыльы бере».
Озьы шуыса, кылем эшсэс йыр ваментӥз берыкто, ачизэс пегӟо, таиз нош шарзэ кутыса, зӥртэ эшъёсыз пала. Йӧттэ ке кудӥзлы ке, мозмытэ ассэ, соку шудыны выльысь ӧдъяло, нош уг ке, тае выльысь озьы ик наказать каро.
Валэктон:
Шудонлэн нимыз «Аргали-бергали» сложной кыл луэ, кудӥз кылдэмын «берганы» глаголлэн косон формаез борды «али» частица будэтыса, берга+али пӧрме, нош устной веранын со «бергали» кылӥське. Ритм кылдытон но чебер кылӥськон понна азьпалаз итӥське аргали кыл, но пӧрме туж чебер косон формаен кыл: аргали-бергали. Веранэз чебер каре на бергали кыллы внутренней рифма – кылид бере но эн кыльы бере!
Та шудонэз кутско кенешыса, кин, ма кароз. Шудонлэсь валтӥсьсэ быръё кыӵе ке лыдъяськон вераса. Лыдъяськонэз лыдӟо туж лад-лад, ритмзэ чакласа, дыртытэк, котькуд шудӥсь мурт борды киын йӧтскылыса.
Шудонын кутӥське юри солы тупатэм лыдъяськон. Пуштросэзъя со тупа исаськонъёслы, уго бере кылем шудӥсез пышкылыса капчиен серем карыса эшъёсыз исало со кылъёсын. Бере кылем шудӥсь ас вылаз басьтэ янгыше усем муртлэсь рользэ но, кызьы луэ тросаз бызьылыса шудонъёсын, ваньзэ лэсьтэ озьы, кызьы но ма карыны косо сое мукетъёсыз шудӥсь эшъёсыз.