д. М. Венья (Вуколуд) Завьяловского района УР, Морозова Елизавета Гавриловна, 1925 г.р., ур. д. Пали Увинского района УР, с 1987 г. живет в д. М.Венья (Вуколуд) Завьяловского района, образ. 4 кл.
Запись: Морозова Марина, 2001 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд контрольных работ 2001, Морозова М., н.р. Шушакова Г.Н.]
Одӥг ӝыт пинал калык потэм мунчое пукыны. Одӥгез пичи сузэрзэ но сьӧраз басьтэм. Кӧня ке пукиллям но пичи сузэрез чортэ, пе, апайзэ гуртаз: «Ойдо ни татысь, ойдо бертом. Учкы ай, кыӵе ке дядяос быжъёсын потӥллям». Солэсь верамзэ кылыса, 2–3 гинэ адями потыны быгатэм на, нош собере ӧс пытсаське. Потэм адямиос гурт калыкез ӧтён куспын, мунчокузёос кык адямиез виыса, соослэсь кузэс басьтыны вуиллям ини.
Валэктон:
Ишан-мадьын верамын мунчоын луэм учыр сярысь. Вазен егитъёс, дэмен люкаськыса, мунчоосын пуко, шудо вал.
Калыкын верало, пӧртэм урод лулъёсты адӟыны быгато куд-ог пичи нылпиос шуыса. Озьы луэ та мадьын но: егитъёслэн пукон интыязы – мунчоын, огезлэн нылмуртлэн сьӧраз ваем пичи сузэрез адӟе быжо мунчомуртъёсты, нош егитъёс уг адӟо. Пичи ныл верамъя, егитъёс мунчоысь потыны кутско, но ваньмыз потыса уг вутто, ӧс пытсаське, кык мурт мунчоын виемын вал. Юнме шорысь калыкын уг верало, мунчоын шакшы инты шуыса.