д. Кушто-Ключ (Кушсо) Шарканского района УР, Артамонова Римма Дмитриевна, 1932 г.р., проживает здесь же, образ. высшее,
Запись: Вахрушева Т., Логинова Т., 2005, [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 2005, дело 39, тетрадь 2, лист 11, Шарканский р-н]
А вот мон тӥледлы шудон верало. Со шудонэз мон али некытысь но уг кылылӥськы, уг лыдӟылӥськы. Азьвыл кутэн ветлӥськом вал ук, со пӧсьтэм кутъёсты ум куяське вал нимысьтыз, ну туж зол уродъёссэ куяськом, а так умойёссэгес сиктало но вал на ай. Собере, ну огаз коркан исьни кут, мукетаз коркан исьни кут, люкаськом со исьни кутэз. Собере ульча шоры ӵог шуккиськом, тазьы та ӝужда мар (киыныз возьматэ 1 метр ӝужда). И отчы мурыез, кызьы ке тазьы кирпичез тыркод муры, о-о ведь, тазьы тырком вал, липаськом вал со ӵог котыртӥ. И солэн гозыез луэ на ай, кутлэн ук, а одӥгез, отын вырйылаз ик гозы керттэмын но, со гозые кутке но, со котыртӥ со кутъёс котыртӥ бергаса ветлэ, возьмаса. Сое со возьма, а ми, мукетъёсыз, со кутъёсты вораса быдтыны турттӥськом. Мынком усьтыр-табыр гинэ, басьтӥськом усьтыр-табыр со кутэз, но асьмеос пегӟиськом, собере возьмаса, ай ми трос кузя ук, огез ог палтӥз мынэ, и со возьмаса уг быдты. Со кутъёсты ваньзэ быдтӥськом, отысь, со люкамысь, собере со возьмаськисез со кутэнымы ну лэзьяськом ни. Кин йӧттэ, кин уг йӧтты, со пегӟе. Вот али со шудонэз мынам нокытысь кылэме ӧвӧл.
Валэктон:
Шудон улонын уг пумиськылы ни, малы ке шуоно туннэ нуналэ кут пыдкутчан музейын возиськись экспонат луиз ини. Шудон бызьылэмез кулэ каре, пиналъёс но, егитъёс но котьку туж яратылӥзы кырын шудыны. Вазен пиналъёс шудонын куто вал котьмае, ма ки улын, гурт котырын. Нылпиос олома но малпаллязы, асьсэлэсь дырзэс тунсыко но пайдаё ортчытон понна. Вазен удмуртъёс пӧлын кутэн ветлон туж паськыт вӧлмемын вал. Пияшъёсты пичиысен ик дышетылӥзы кут кутаны но сое кутон понна нин дасяны. Гужем кӧс куазен, зэмен но, нылпиослэн но мӧйыослэн но кут вал туж ӟеч, небыт но капчи пыдкутчанзы. Дыр ортчемъя, кутэз воштӥз фабрик, базар пыдкутчан, шудон но улонысь кошкиз.