д. Порозово Шарканского района УР, Корепанова Евгения, 1943 г.р., ур. д. Бередь Шарканского района, в наст. время живет в д. Порозово, образ. ср. спец.
Запись: Касаткина Е., Семенова Е., 1991 г. [Фольклорный архив Удмуртской филологии (ныне Институт удмуртской филологии, финно-угроведения и журналистики) Удмуртского государственного университета, фонд экспедиций 1991, дело 23, тетр. 6, л. 23, н. рук. Шушакова Г. Н.]
Одӥгез тодмо адями вераз вал. Кемалась ӧвӧл кулӥз солэн картэз. Нош со шуэ: «Ӵошен улӥськом, сиськиськом». Зэм адямиен кадь ик улӥськом, пе. Одӥг пол сиськыкузы пуньызы пол вылэ усем. Соку кышноез шуэм мон, пе, ӝуто. Соку со адӟем: картэзлэн пыдъёсыз ӧвӧл, соос интые кыӵе ке но кузь быж. Туж кышкам кышноез но кеськем кош! татысь шуыса. Соку ик мужикез ӝӧк сьӧрысь ышем пыраклы.
Валэктон:
Ишан-мадь кылдэмын калыкын улӥсь оскытэт вылын, кудӥз вера кулэм муртъёс бертылыны быгато, куке адями туж куректэ но мӧзме ке. Таяз текстын кулэм картэз ветлэ кышноез доры. Со «картэз» чёрт вылэм, со сярысь валатске ачиз кышномурт, куке усем пуньыез ӝутыны мыкырске ӝӧк улэ но адӟе со картэзлэсь быжзэ. Туж зол куараен кеськыса улля чёртэз, соиз чиптэм-чаптэм ышем соку ик.